Zum Inhalt springen

Offener Brief an einen Unbelehrbaren

 

Es geht mi ja eigentlich nix an,
warum Joah für Joah a alter Mann
sich in ein rotes Gwandl zwängt
und an der Wand scho wieder hängt.
Seit, i maan, zwaa-null-null-acht
(da hab ich’s erste Mal gelacht)
fallt es ma auf, das Weihnachtstreiben,
Und rat Dir ernstlich: Lass es bleiben!
Sag, lernst Du nix, so mit der Zeit?
Des is do sicherlich kaa Freud,
wenn ma da bei Minusgraden
und an Gsicht, an ziemlich faden,
an aaana Hausfassadn pickt
und si auffiaht, ziemlich ungeschickt.
Am Rentierschlitten Überflieger
bist in unsern Bau nur zweiter Sieger,
hängst da recht hilflos auf der Leiter
und kummst seit Tagen scho ned weiter.
Bei Deiner Wampn jo kaa Wunder!
Schau i so aus, dann kriag i Zunder
von meinem Schatzl – und Diät!
Weu sowas aafoch goa ned geht.
Auch solltest Du den Tag nicht loben
ehe Du bist beim Fenster oben.
Denn dort erst nimmts Schicksal seinen Lauf:
Dees bringst ned amal gscheit von innen auf!
Weihnachtsmann, i sog: Sei schlau –
reiz ned die Technik im Gemeindebau.
Da hast mit der Mauer scho a Glück –
wenn die ned bröckelt, Stück für Stück,
Wenn die Dachrinnen si ned glei vabiagt
oder da Schornstein obefliagt.
„Und wozu dees olles?”, frog i mi.
Wieso triffts ausgerechnet di?
Der Postler findt jo aaa de Tia
und bringt sei Packl just zu mia.
Auch Hermes oder DHL
findn do zu mir recht schnell
ohne Pahööh oder Traraa.
Der duat schickts ohh – Tags drauf is da.
So funktioniert dees Packlschickn.
Oder kannst leicht kaa Markn pickn?
Is Ebbe in der Himmelskassa?
Dann schick halt ned a so a Massa
Geschenke in da Gegend rum.
Nach Stefani tauschns eh ois um.
Doch denk i ma, es is kaa Dreck,
wenn i a soooo vüüüü Marken schleck.
Dann waar mei Zungan voll-gummiert
und schwaar da Schodn repariert.
Wobei mia mancher scho eifoit,
der – wann er amoi de Pappn hoit -
kaaan obgehn tadad bis zum End
aus Brüssel, Rathaus, Parlament, ...!
Nimmst hoit von duat a poa Leit her
ois Hüfskraft oder Volontär.
Und waaaßt, liaba Weihnochtsmann, i denk:
Des warad VIELEN a Geschenk!

Schlagwörter: